ໜຸ່ມ “ໂທນີ້” ຄົນ ສ.ປ.ປ.ລາວຜ່ານເຂົ້າຮອບ Blind Audition ໃນລາຍການ The Voice

ຖືວ່າເປັນຂ່າວດີສຳລັບໜຸ່ມ ໂທນີ້ ຫຼື ຈັນທະສົມ ບັນນະພອນ ໜຸ່ມລາວໄວ 30 ປີທີ່ໄດ້ສະໝັກເຂົ້າແຂ່ງຂັນໃນລາຍການ The Voice Thailand ໂດຍສາມາດຜ່ານເຂົ້າໄປຮອດຮອບ Blind Audition ໄດ້ ແລະ ແນ່ນອນວ່າ ເຮົາຈະໄດ້ເຫັນໜຸ່ມຄົນນີ້ເມື່ອລາຍການອອກອາກາດໃນໄວໆນີ້ຢ່າງແນ່ນອນ

ໜຸ່ມ ໂທນີ້ ໄດ້ໂພສໃນເຟສບຸກສ່ວນຕົວເມື່ອວັນເສົາທີ່ຜ່ານມາ (10 ສິງຫາ 2019) ວ່າ ທາງລາຍການໄດ້ແຈ້ງຂ່າວແກ່ຕົນເອງວ່າ ໄດ້ຮັບຄັດເລືອກໃຫ້ຜ່ານເຂົ້າຮອບຕໍ່ໄປ (Blind Audition) ແລ້ວ

ໂດຍຈຸດເລີ່ມຕົ້ນທີ່ພາໃຫ້ໜຸ່ມລາວຄົນນີ້ເດີນທາງມາຮອດຮອບນີ້ແມ່ນມາຈາກການທີ່ຜູ້ກ່ຽວສົ່ງວິດີໂອຮ້ອງເພງ Let It Go ຂອງ James Bay ເພື່ອສະໝັກແຂ່ງໃນລາຍການດັ່ງກ່າວ ແລະ ໄດ້ຜ່ານເຂົ້າໄປຮອບຄັດເລືອກສົດ ເຊິ່ງມີຂຶ້ນເມື່ອທ້າຍເດືອນລະກົດທີ່ຜ່ານມາ

ກໍຕ້ອງມາລຸ້ນນຳກັນຕໍ່ວ່າ ໜຸ່ມໂທນີ້ ຈະໄດ້ຜ່ານເຂົ້າຮອດຮອບເລິກໆໄດ້ ຫຼື ບໍ່ ໃນລາຍການ The Voice Thailand 2019 ເຊິ່ງຈະເລີ່ມອອກອາກາດພາຍໃນທ້າຍປີນີ້

error: Content is protected !!