ຫນຸ່ມຊ້ຳໃຈ! ຄົບແຟນສາວຜ່ານສື່ອອນໄລນນານ 2 ປີ ກ່ອນຕັດສິນໃຈແຕ່ງງານ ແຕ່ຕື່ນຕົກໃຈ ຫນ້າຕາບໍ່ຄືໂປຣຟາຍ

ສຳນັກຂ່າວຕ່າງປະເທດລາຍງານເມື່ອວັນທີ່ 9 ສິງຫາ 2019 ວ່າ ກະແສຂ່າວຮືຮາເຫດງານວິວາຫລົ້ມຂອງຄູ່ຮັກຫນຸ່ມສາວ ຊາວອິນໂດເນເຊຍ ຫລັງວ່າທີ່ເຈົ້າບ່າວພົບຄວາມຈິງໃນວັນມົງຄົນວ່າແຟນສາວຕ່າງແດນທີ່ຄົບຫາເບີ່ງໃຈກັນມາດົນກວ່າ 2 ປີ ບໍ່ແມ່ນຄົນທີ່ເຄີຍເຫັນໃນຮູບ ຫນຳຊ້ຳວ່າທີ່ເຈົ້າສາວຍັງອາຍຸພໍໆກັບແມ່ຂອງຊາຍຫນຸ່ມ ເມື່ອຄວາມຈິງເປີດເຜີຍຝ່າຍຊາຍເລີຍຂໍຕັດສຳພັນຮັກ ແລະຍົກເລີກງານແຕ່ງເພາະຮັບບໍ່ໄດ້ທີ່ຄົນຮັກບໍ່ຕົງໂປຣຟາຍ

ລາຍງານລະບຸວ່າ ທ້າວຢູຊຸຟ ຫນຸ່ມອິນໂດເນເຊຍທີ່ເດີນທາງໄປເຮັດວຽກໃນເກົາຫຼີໃຕ້ ເຈີກັບແຟນສາວຊື່ງເຮັດວຽກໃນໄຕ້ຫວັ່ນ ຜ່ານເຄືອຂ່າຍສັງຄົມອອນໄລ ຫລັງຈາກລົມກັນທາງໂທລະສັບໄລຍະຫນື່ງກໍ່ຕັດສິນໃຈຄົບຫາເປັນຄົນຮັກ

ໂດຍທັງຄູ່ຕິດຕໍ່ສື່ສານທາງໂທລະສັບເປັນສ່ວນໃຫ່ຍເພາະຍິງສາວມັກປະຕິເສດເວລາທີ່ຢູຊຸຟວິດີໂອຄໍລຫລືຖ້າໃຊ້ວິດີໂອຄໍແທ້ ແຟນສາວກໍ່ຈະຄຸມຜ້າປິດຫນ້າ ນອກຈາກນີ້ຢູຊຸຟຍັງໃຫ້ເງີນກັບແຟນສາວເພື່ອໃຊ້ຈ່າຍໃນຊີວິດປະຈຳວັນ ແລະຄ່າປີ້ຍົນເດີນທາງໄປ-ກັບອິນໂດເນເຊຍ ຊື່ງລວມໆແລ້ວຊາຍຫນຸ່ມທຸ່ມເງີນໄປກວ່າ 10 ລ້ານຣູເປຍ ຫຼືປະມານ 6 ລ້ານກີບ
ຢ່າງໃດກໍ່ຕາມ ຄູ່ຮັກຕ່າງແດນຄູ່ນີ້ຄົບກັນມາດົນກວ່າ 2 ປີ ຕໍ່ມາຝ່າຍຍິງຈະຍື່ນເງື່ອນໄຂວ່າຖ້າຮັກກັນແທ້ກໍ່ຄວນແຕ່ງງານ ແມ່ນວ່າຈະຢູ່ຄົນລະປະເທດກໍ່ຕາມ ຊື່ງຝ່າຍຊາຍກໍ່ຍິນດີຕອບຮັບເງື່ອນໄຂຂອງຍິງຄົນຮັກ ແລະກຽມງານວິວາ ລວມທັງອອກຄ່າໃຊ້ຈ່າຍທັງຫມົດໃນການຈັດງານ

ແຕ່ແລ້ວກໍ່ຕ້ອງຊ້ຳໃຈໃນວັນແຕ່ງງານເມື່ອໄດ້ຮູ້ຄວາມຈິງຂອງແຟນສາວຫລັງເປີດຜ້າປິດຫນ້າອອກ ຈາກຍິງສາວທີ່ເຄີຍເຫັນໃນຮູບກໍ່ກາຍເປັນຍິງສູງອາຍຸ ແລະບໍ່ແມ່ນສາວທີ່ຫນ້າຕາຫນ້າຮັກຢ່າງທີ່ເຂົ້າໃຈມາໂດຍຕະຫຼອດຊາຍຫນຸ່ມເລີຍປະກາດຍົກເລີກງານແຕ່ງທັນທີ

ທັງນີ້ຮູບທີ່ຖືກແອບອ້າງເປັນຮູບຂອງນາງອິນຕັນ ເປີມາຕາ ສາວຊ່າງແຕ່ງຫນ້າຄົນດັງໃນແຂວງຊວາກາງຂອງອິນໂດເນເຊຍ

error: Content is protected !!