Day: May 8, 2020

ຂ່າວຕ່າງປະເທດ

ແພດສາວໄວ 23 ປີ ສູ້ຈົນໝົດລົມຫາຍໃຈກັບໂຄວິດ-19 ຫລັງເຮັດວຽກໄດ້ພຽງ 2 ປີ

ເປັນອີກເລື່ອງຫນື່ງທີ່ເຮັດໃຫ້ເສົ້າໃຈຢູ່ບໍ່ນ້ອຍ ກັບເລື່ອງລາວຂອງກູ້ໄພສາວຄົນຫນື່ງຜູ້ອອກມາເລົ່າປະສົບການ ໃນການເປັນຫນື່ງໃນແນວຫນ້າຕໍ່ສູ້ກັບໄວລັດໂຄວິດ-19 ທີ່ລາວນັ້ນທຸ່ມເທຫມົດທັງຫົວໃຈ ຈົນຫມົດລົມ ຊາລອດ ໂຄບ ນັກປະຕິບັດການສຸກເສີນການແພດໄວ 23 ປີ ຖືກພົບເປັນສົບຢູ່ໃນພາຍໃນບ້ານພັກຕົນເອງໃນລອນດ້າ ວັນລີ  ຫລັງກັບຈາກເຂົ້າເວນທີ່ໂຮງຫມໍຈົນກະທັ້ງຕອນເຊົ້າຫມູ່ທີ່ໂຮງຫມໍເຫັນລາວຫາຍຕົວໄປດົນຈົນຮູ້ສຶກຜິດປົກກະຕິແລະໄດ້ແຈ້ງຕຳຫລວດໃຫ້ໄປກວດສອບຈົນພົບສົບດັງກ່າວ ສ້າງຄວາມຕົກໃຈແລະເສົ້າໃຈໃຫ້ຫມູ່ເພື່ອນຮ່ວມງານແລະຊາວເນັດເປັນຢ່າງຫລາຍ ທີ່ຊາວເນັດພາກັນຕົກໃຈນັ້ນ ເປັນເພາະຊາລອດ ຫາກໍ່ກາຍເປັນທີ່ຮືຮາໃນໂຊຊ້ຽວ ຫລັງຈາກທີ່ລາວອອກມາໂພສເຕືອນປະຊາຊົນໃຫ້ຢູ່ແຕ່ໃນບ້ານເມື່ອຫນື່ງມື້ກ່ອນທີ່ຈະເສຍຊີວິດ ໂດຍລາວເລົ່າເຖີ່ງປະສົບການໃນໂຮງຫມໍທີ່ລາວປຽບມັນຄືກັບ “ສະຫນາມຮົບ” ບໍ່ໄດ້ເຮັດໃນສີ່ງທີ່ມັກ ບໍ່ໄດ້ເຮັດໃນສີ່ງທີ່ຢາກເຮັດຈົນເຮັດໃຫ້ນ້ອຍໃຈກັບຊີວິດ ແຕ່ດ້ວຍຄວາມທີ່ຕົນເປັນບຸດຄະລາກອນການແພດແລ້ວກໍ່ຕ້ອງຄິດໃນແງ່ບວກເຂົ້າໄວ້ ຕື່ມພະລັງໃຈໃຫ້ເຕັມຢູ່ຕະຫລອດເພື່ອລຸຍຮັກສາຜູ້ປ່ວຍໂຄວິດ-19 ຢ່າງເຕັມທີ່ ແຕ່ບໍ່ມີໃຜຄາດຄິດວ່ານັ້ນຈະເປັນໂພສສຸດທ້າຍໃນຊີວິດຂອງລາວ ຫລັງຮູ້ຂ່າວການເສຍຊີວິດຂອງຊາລອດ ຫມູ່ເພື່ອນທີ່ໂຮງຫມໍຕ່າງເວົ້າເຖີງລາວວ່າເປັນບຸກຄະລາກອນການແພດມືໃຫມ່ທີ່ເກັ່ງກ້າຫລາຍ ທຸ່ມເທເຮັດວຽກແລະອຸທິດຕົນເພື່ອວິຊາຊີບແພດຢ່າງແທ້ຈີງ

Read More
//graizoah.com/afu.php?zoneid=2280983