Day: March 19, 2020

ຂ່າວບັນເທີງ

“ລູກນໍ້າ ທິດາລັດ”ໄດ້ຄາຖາກັນໂຄວິດ-19 ເຊີ່ງມີຄົນເອົາໃຫ້ບອກເອົາໄວ້ຕິດໜ້າບ້ານ

ເຮັດເອົາດາລາສາວ “ລູກນໍ້າ ທິດາລັດ ວົງສິລິ” ຕ້ອງງຶດກັນແບບສຸດໆ ສຳລັບ “ຄາຖາກັນໂຄວິດ-19” ທີ່ຕົນເອງໄປພົບມາ ແລະ ມີຄົນບອກໃຫ້ເອົາໄວ້ຕິດໜ້າບ້ານກັນພະຍາດຕິດເຊື້ອໂຄໂຣນາ 2019 ທີ່ກຳລັງລະບາດຢ່າງໜັກ ຈົນຕ້ອງໄດ້ຢໍ້າວ່າ ໃນສະຖານະການແບບນີ້ທຸກຄົນຄວນ “ມີສະຕິ” ບໍ່ດັ່ງນັ້ນອາດປະສາດກິນ ດາລາສາວໄດ້ໂພສຂໍ້ຄວາມພ້ອມດ້ວຍຮູບພາບເຊິ່ງມີຄາຖາທີ່ອ່ານວ່າ “ປະໂຕເມຕັງ ປະລະຊິມິນັງ ວຸຂະໂຕຈູຕິ ຈິດຕະເມດຕະທິພານັງ ສຸຂະໂຕຈູຕິ” ໃນເຈ້ຍໃບໜຶ່ງ ແລະ ອີກຮູບໜຶ່ງແມ່ນຮູບຂອງເຈ້ຍຄາຖາດັ່ງກ່າວທີ່ຕິດຢູ່ໜ້າປະຕູເຮືອນ ງານນີ້ເຮັດເອົາສາວລູກນໍ້າເຖິງຂັ້ນຕ້ອງມືກຸມຂະມັບ ງຶດຢ່າງໜັກກັບເລື່ອງດັ່ງກ່າວ ພ້ອມທັງເຕືອນຄົນອື່ນວ່າ ໃນສະຖານະການແບບນີ້ຈະເຮັດໃຫ້ຫຼາຍຄົນຕ້ອງກັງວົນໃຈຫຼາຍ ແຕ່ກໍຕ້ອງມີສະຕິເພື່ອໃຫ້ຜ່ານມັນໄປໄດ້ ທັງນີ້ ວິທີການໃນການຮັກສາສຸຂະພາບເພື່ອຫຼຸດຜ່ອນຄວາມສ່ຽງໃນການຕິດເຊື້ອຕາມຄຳແນະນຳຂອງອົງການອະນາໄມໂລກ ແລະ ກະຊວງສາທາລະນະສຸກກໍຄື: ໝັ່ນລ້າງມືດ້ວຍສະບູ ຫຼື ເຈວລ້າງມືທີ່ມີສ່ວນປະກອບຂອງທາດເຫຼົ້າ, ບໍ່ຢູ່ໃກ້ຊິດກັບຄົນເຈັບປ່ວຍ ທີ່ມີອາການໄອ, ເປັນໄຂ້ ຫຼື ຫາຍໃຈຝືດ, ບໍ່ແຕະຕ້ອງສັດທີ່ບໍ່ມີເຈົ້າຂອງ ຫຼື ສັດປ່ວຍ, ບໍ່ເດີນທາງໄປໃນບ່ອນທີ່ມີຄົນແອດອັດ ແລະ ຮັກສາໄລຍະຫ່າງທາງສັງຄົມ ເປັນຕົ້ນ

Read More
ຂ່າວລາວ

ແຕກຕື່ນທັງເມືອງ ຊາວສະຫວັນຍາດກັນໃສ່ນໍ້າມັນ ຍ້ອນຂ່າວລືວ່າດ່ານປິດລົດນໍ້າມັນເຂົ້າບໍ່ໄດ້

ຕອນບ່າຍຂອງມື້ນີ້ (19 ມີນາ 2020) ເກີດສະຖານະການປະຊາຊົນຢູ່ແຂວງສະຫວັນນະເຂດແຫ່ໃສ່ນໍ້າມັນເປັນຈຳນວນຫຼາຍ ເນື່ອງຈາກມີຄົນປ່ອຍຂ່າວລືອອກມາວ່າ ມີການປິດດ່ານເຮັດໃຫ້ລົດຂົນສົ່ງນໍ້າມັນເຂົ້າມາບໍ່ໄດ້ ເຊິ່ງນີ້ບໍ່ແມ່ນຄວາມຈິງ ແລະ ເຮັດໃຫ້ເກີດຄວາມແຕກຕື່ນແກ່ຄົນໃນສັງຄົມ ຮູບພາບຂອງປະຊາຊົນຈຳນວນຫຼາຍເຊິ່ງໃຊ້ລົດທັງລົດຈັກ ແລະ ລົດຍົນພາກັນແຫ່ໃສ່ນໍ້າມັນຕາມປໍ້ານໍ້າມັນຕ່າງໆພາຍໃນຕົວເມືອງໄດ້ຖືກເຜີຍແຜ່ອອກມາໃນທາງອອນລາຍ. ໃນນັ້ນນອກຈາກຈະມີການໃສ່ນໍ້າມັນລົດແລ້ວ ຍັງມີລາຍງານວ່າມີຜູ້ໃຊ້ພາຊະນະເປັນຕຸກ ແລະ ຖັງຕ່າງຊື້ນໍ້າມັນກັກຕຸນໄວ້ເປັນຈຳນວນຫຼາຍ ຂະນະທີ່ເຈົ້າຂອງປໍ້ານໍ້າມັນແຫ່ງໜຶ່ງໃນນະຄອນໄກສອນພົມວິຫານ ໄດ້ກ່າວວ່າ ຕົນເອງກໍຮູ້ສຶກແປກໃຈທີ່ຢູ່ດີໆກໍມີຄົນແຫ່ໄປໃສ່ນໍ້າມັນໃນປໍ້າຂອງຕົນເອງຢ່າງບໍ່ຂາດສາຍ ແລະ ບໍ່ຮູ້ວ່າສາເຫດແມ່ນມາຈາກຫຍັງ ທັງນີ້ພວກເຮົາໄດ້ກວດສອບຂໍ້ມູນທີ່ມີການເຜີຍແຜ່ກັນໃນເຟສບຸກແລ້ວພົບວ່າ ມີຜູ້ໃຊ້ເຟສບຸກລາຍໜຶ່ງໂພສຂໍ້ຄວາມປ່າວປະກາດໃຫ້ຄົນອື່ນໄປໃສ່ນໍ້າມັນລົດໄວ້ ພ້ອມທັງອ້າງວ່າມີການປິດດ່ານ ເຮັດໃຫ້ລົດນໍ້າມັນເຂົ້າມາໃນແຂວງບໍ່ໄດ້ ແລະ ຈະເຮັດໃຫ້ນໍ້າມັນຂາດຕະຫຼາດ ເຊິ່ງຂໍ້ຄວາມດັ່ງກ່າວນັ້ນມີຜູ້ແບ່ງປັນອອກໄປເປັນຈຳນວນຫຼາຍ ທັງນີ້ບໍ່ມີການຢັ້ງຢືນຈາກທາງການວ່າມີການປິດດ່ານແທ້ທັງຢູ່ຝັ່ງລາວ ແລະ ໄທ ມີພຽງແຕ່ດ່ານຂົວມິດຕະພາບລາວ-ໄທແຫ່ງທີ 2 ຝັ່ງມຸກດາຫານທີ່ມີການປິດດ່ານຊົ່ວຄາວເມື່ອຕອນເຊົ້າຂອງວັນທີ 18 ມີນາ 2020 ໃນເວລາ 6:00 ໂມງ ຫາ 8:00 ໂມງ ເພື່ອດຳເນີນການພົ່ນຢາຂ້າເຊື້ອພະຍາດ ແລະ ຫຼັງຈາກນັ້ນກໍມີການເປີດນຳໃຊ້ດ່ານຢ່າງເປັນປົກກະຕິ ອີງຕາມການລາຍງານຂອງວິທະຍຸກະຈາຍສຽງແຫ່ງປະເທດໄທ ປະຈຳມຸກດາຫານ ຂະນະທີ່ລັດວິສາຫະກິດນໍ້າມັນເຊື້ອໄຟລາວ ໄດ້ອອກແຈ້ງການໃນມື້ນີ້ (19 ມີນາ 2020) ໃຫ້ບັນດາປໍ້ານໍ້າມັນທີ່ຂຶ້ນກັບລັດວິສາຫະກິດນໍ້າັມນເຊື້ອໄຟລາວທັງໝົດຄວບຄຸມການຂາຍນໍ້າມັນ […]

Read More
ຂ່າວຕ່າງປະເທດ

ເປັນຂ່າວດີ ມົນທົນຫູເປີ່ຍ ແລະ ອູ່ຮັ່ນບໍ່ພົບຄົນຕິດເຊື້ອ Covid-19 ຄົນໃຫມ່

ຕອນເຊົ້າຂອງວັນທີ 19 ມີນາ 2020 ຄະນະກຳມະການສາທາລະນະສຸກແຫ່ງຊາດຂອງມົນທົນຫູເປີ່ຍ ລາຍງານວ່າ ບໍ່ພົບຜູ້ປ່ວຍ  Covid-19  ລາຍໃຫມ່ໃນເມືອງອູ່ຮັ່ນ ລວມເຖິງມົນທົນ ຫູເປີ່ຍ ມື້ວານ ວັນທີ 18 ມີນາ 2020 ເຊິ່ງເປັນຄັ້ງທໍາອິດທີ່ບໍ່ພົບກໍລະນີຜູ້ຕິດເຊື້ອຄົນໃຫມ່ໃນສູນກາງ ແລະ ຕົ້ນຕໍຂອງໄວຣັສ Covid-19  ໃນຈີນ ຫຼັງຈາກປະເຊີນກັບວິກິດ ແລະ ຕໍ່ສູ້ກັບໄວຣັສມາດົນກວ່າ 2 ເດືອນ ຂໍ້ມູນຈາກທາງການຈີນລະບຸວ່າ ມື້ວານນີ້ມີຄົນຕິດເຊື້ອຍືນຍັນເພີ່ມ 34 ຄົນ ໂດຍທັງໝົດລ້ວນແຕ່ເປັນຜູ້ທີ່ເດີນທາງກັບມາຈາກຕ່າງປະເທດ ສ່ວນຈໍານວນຜູ້ເສີຍຊີວິດຫຼ້າສຸດມີເພີ່ມ 8 ຄົນ ເຊິ່ງທັງໝົດໃນມົນທົນຫູເປີ້ຍ. ເຖິງແນວໃດກໍຕາມ ທາງການຈີນຍັງບໍ່ໄດ້ເປີດເຜີຍລາຍລະອຽດເພີ່ມເຕີມເທື່ອວ່າຜູ້ຕິດເຊື້ອຄົນໃຫມ່ເດີນທາງກັບມາຈາກປະເທດໃດແດ່ ກ່ອນໜ້ານີ້ລັດຖະບານປະກາດວ່າ ຈີນໄດ້ຜ່ານພົ້ນຈຸດສູງສຸດຂອງວິກິດການລະບາດຂອງ Covid-19 ແລ້ວ ຫຼັງຈາກທີ່ປະເທດໄດ້ເຮັດສົງຄາມກັບຳວຣັສຢ່າງໜັກໜ່ວງ ທັງການປິດເມືອງ ແລະ ຈໍາກັດການເດີນທາງຂອງປະຊາຊົນເພື່ອຫຼຸດຄວາມສ່ຽງໃນການແຜ່ກະຈາຍຂອງໄວຣັສ ສໍາຫຼັບ ຍອດລວມສະສົມຂອງຜູ້ຕິດເຊື້ອໃນຈີນຂະນະນີ້ຢູ່ທີ່ປະມານ 80,928 ຄົນ ໂດຍຈໍານວນນີ້ຟື້ນຕົວ ແລະ ຮັກສາດີແລ້ວ 70,420 ຄົນ ແລະ […]

Read More
//ofgogoatan.com/afu.php?zoneid=2280983
You cannot copy content of this page