ໜ້າຊື່ນຊົມ…ໜຸ່ມນ້ອຍໄວ 13 ປີ ຫາເງິນລ້ຽງພໍ່ແມ່ ໂດຍບໍ່ອາຍຄໍາເວົ້າຂອງຄົນອື່ນ

ໜ້າຊື່ນຊົມ…ໜຸ່ມນ້ອຍໄວ 13 ປີ ຫາເງິນລ້ຽງພໍ່ແມ່ ໂດຍບໍ່ອາຍຄໍາເວົ້າຂອງຄົນອື່ນ

ເປັນເລ່ອງທີ່ຄວນເບິ່ງໄວ້ ແລະ ເຮັດເອົາເປັນແບບຢ່າງ ສໍາລັບລູກໆທີ່ມີຄວາມກະຕັນຍູ ຮູ້ຫາ, ຮູ້ເຮັດວຽກຫາເງິນຊ່ວຍແບ່ງເບົາພາລະພໍ່ແມ່ ຫຼື ຫາເງິນລ້ຽງພໍ່ແມ່ດັ່ງເດັກຊາຍຄົນນີ້ ເປັນເດັກຊາຍ ແລະ ເລື່ອງລາວຈາກປະເທດເພື່ອນບ້ານໄທ

ຜູ້ໃຊ້ເພດບຸກ Kaimook Promsard ໄດ້ແບ່ງປັນເລື່ອງລາວຂອງໜຸ່ມນ້ອຍໄວ 13 ປີ ຄົນນີ້ວ່າ: “ໃຜທີ່ພົບເຫັນຊ່ວຍອຸດໜຸນແນ່ ເດັກອາຍຸ 13 ປີ ຖີບລົດຂາຍເຄື່ອງຂ້າງໆຮ້ານໜ້າໂຮງຮຽນ ເກັ່ງຫຼາຍໆ

ຕອນທໍາອິດນ້ອງຊາຍຄົນນີ້ບວດເປັນຈົວ ສຶກອອກມາມີເງິນ 400-500 ເລີຍຢາກເຮັດວຽກ ສະໝັກບ່ອນໃດກໍບໍ່ໄດ້ ເພາະດ້ວຍອາຍຸທີ່ນ້ອຍຫຼາຍ ນ້ອງເລີຍຂາຍເຄື່ອງເອົາ ມີເຂົ້າຂຽບ, ໄຂ່ຕົ້ມ, ເຟນຟາຍ… ຢ່າງລະຖາດນ້ອຍ ຂາຍຢູ່ໜ້າ ໂຮງຮຽນ ເດັກນ້ອຍເລີກມາຜ່ານມາເຫັນບາງຄົນກໍຊື້ຊ່ວຍ

ບາງຄົນກໍຫົວຂວັນ ແຕ່ນ້ອງເກັ່ງຫຼາຍຮ້ອງຂາຍຕະຫຼອດ ພໍມ້ຽນຮ້ານຖາມນ້ອງວ່ຂາຍດີບໍ່ ນ້ອງກໍຕອບວ່າ ຂາຍດີຫຼາຍ ທັງໆທີ່ຂາຍບໍ່ໝົດ ເລີຍຖາມວ່າຂາຍໄດ້ທໍ່ໃດ ນ້ອງບອກວ່າ ຂາຍໄດ້ 180 ບາດ ປະມານ 60 ປາຍພັນ, ນ້ອງບອກວ່າຫຼາຍໆ ເຮັດສີໜ້າດີໃຈສຸດໆ  ເຮົາເຫັນແລ້ວນໍ້າຕາຈະໄຫຼ ເງິນ 180 ບາດ ຄົງຫຼາຍສໍາລັບນ້ອງ ກັບບາງຄົນອາດຈະບໍ່ມີຄ່າເລີຍ

ຜູ້ໃຊ້ເຟດບຸກຖາມຕໍ່ວ່າ ເປັນຫຍັງຈຶ່ງບໍ່ຮຽນ ນ້ອງບອກວ່າແມ່ນ້ອງທຸກ ບໍ່ມີເງິນ ໜູຕ້ອງຊ່ວຍແມ່  ຕອນນີ້ແມ່ແມ່ເຮັດເຂົ້າໂຂບ ແຍກກັນໄປຂາຍ  ຜູ້ໃຊ້ເຟດບຸກໃຈດີໃຫ້ນົມໄປ 2 ແພັກ ນ້ອງຍໍມືນົມດ້ວຍຄວາມຕື້ນຕັນໃຈ

ເບິ່ງແລ້ວນໍ້າຕາຊຶມແທ້ໆ ຕອນທີ່ເຮົາອາຍຸ  13 ປີ ເຮົາຫາເງິນໄດ້ຫຼາຍຄືນ້ອງບໍ່ຫວະ, ບາງຄົງຍັງແບເງິນຂໍພໍ່ແມ່ຢູ່ ຫຼິ້ນ ກິນ ຢ່າງສຸກສໍາລານ ສຸກສະບາຍ ແຕ່ນີ້ນ້ອງຕ້ອງຫາເງິນລ້ຽງຄອບຄົວແຕ່ ອາຍຸ 13 ປີ ລາຍໄດ້ພຽງ 180 ບາດຕໍ່ມື້

ນີ້ຄິດເບິ່ງທ່ານຜູ້ອ່ານ ຖ້າເຮົາໂຊກດີເກີດມາມີທຸກສິ່ງທຸກຢ່າງແລ້ວ ກໍຄວນທີ່ຈະປະຫຍັດຊ່ວຍພໍ່ແມ່, ຫາຊ່ວຍເພິ່ນຕັ້ງແຕ່ຕອນທີ່ຫາໄດ້ ຈະໜ້ອຍຫຼື ຫຼາຍ ກໍຊ່ວຍກັນໄປ ດີກວ່າໃຊ້ເງິນຢ່າງຟຸມເຟືອຍ ເພາະຄົນທີ່ຫາເງິນນະ ກວ່າຈະຫາໄດ້ກີບ 1 ມັນຕ້ອງແລກດ້ວຍເຫື່ອແຮງ ສະຕິປັນຍາເມື່ອຍສໍ່າໃດ

ຂໍໃຫ້ໜຸ່ມຄົນນີ້ເປັນກໍາລັງໃຈ ສູ້ຕໍ່ໄປເດີ້ ຢ່າມິ່ນເງິນໜ້ອຍ ຢ່າຄອຍວາດສະໜາ ຕັ້ງໜ້າເກັບອອມໄປເພື່ອອານາຄົດ

admin