ນາ​ຍົກ​ລັດ​ທະ​ມົນ​ຕີ​ລັດ​ເຊຍ ມິ​ຊູມ​ຕິນ ໄວ 54 ປີ ຕິດໂຄວິດ-19

ສຳນັກຂ່າວຕ່າງປະເທດລາຍງານເມື່ອວັນທີ 1 ພຶດສະພາ 2020 ວ່າ ນາຍົກລັດຖະມົນຕີມິຄາອິລ ມິຊຸສຕິນ ລາຍງານຕໍ່ປະທານາທິບໍດີວະລາດິເມຍ ປູຕິນ ຜ່ານລະບົບໂທປະຊຸມ ເມື່ອວັນພະຫັດວ່າ ຕົນຕິດເຊື້ອໂຄວິດ-19 ແລະກຳລັງກັກໂຕເພື່ອເຂົ້າຮັບການປິ່ນປົວຢູ່ທີ່ໂຮງຫມໍແຫ່ງຫນຶ່ງໃນນະຄອນຫລວງມອສໂກ ຂະນະດຽວກັນທ່ານ ມິຊຸສຕິນ ຂໍໃຫ້ທ່ານປູຕິນ ແຕ່ງຕັ້ງຄະນະລັດຖະມົນຕີໃຫ້ປະຕິບັດຫນ້າທີ່ຮັກສາການໃນຕຳແຫນ່ງນາຍົກລັດຖະມົນຕີໄປກ່ອນ

ຂະນະທີ່ຜູ້ນຳຣັດເຊຍບໍ່ສະແດງທ່າທີຕື່ນຕົກໃຈ ໂດຍກ່າວວ່າທຸກຄົນລ້ວນມີຄວາມສ່ຽງທີ່ຈະຕິດໄວຣັດໂຄວິດ-19 ແລະອວຍພອນໃຫ້ທ່ານ ມິຊຸສຕິນຫາຍດີຈາກພະຍາດໂລຄາໂດຍໄວ ພ້ອມກ່າວວ່າຕົນເຫັນດີກັບຂໍ້ສະເຫນີໃນເລື່ອງການແຕ່ງຕັ້ງນາຍົກລັດຖະມົນຕີຮັກສາການ ຊຶ່ງຕໍ່ມາທ່ານປູຕິນ ໄດ້ມອບຫນ້າທີ່ດັ່ງກ່າວໃຫ້ກັບທ່ານອັງເດຼ ເບລູຊອຟ ຮອງນາຍົກລັດຖະມົນຕີຄົນທີ່ຫນຶ່ງ ແຕ່ຢືນຢັນວ່າຫາກໃນລະຫວ່າງນີ້ຕ້ອງມີການຕັດສິນໃຈໃນເລື່ອງສຳຄັນ ຄະນະລັດຖະມົນຕີຕ້ອງຂໍຄວາມເຫັນຈາກທ່ານມິຊຸສຕິນ

ຂະນະດຽວກັນສູນຕອບໂຕ້ວິກິດໂຄວິດ-19 ຂອງຣັດເຊຍລາຍງານວ່າ ມີຜູ້ຕິດເຊື້ອໂຄວິດ-19ອີກ 7.099 ຄົນໃນຮອບ 24 ຊົ່ວໂມງ ຖືເປັນສະຖິຕິລາຍວັນສູງທີ່ສຸດ ສົ່ງຜົນໃຫ້ຈຳນວນຜູ້ຕິດເຊື້ອລວມໃນປະເທດເພີ່ມຂື້ນເປັນ 106.498 ຄົນ ສ່ວນຜູ້ເສຍຊີວິດມີການຢືນຢັນອີກ 101 ຄົນ ເພີ່ມຈຳນວນຜູ້ເສຍຊີວິດລວມເປັນ 10.73 ຄົນ ສ່ວນຜູ້ຕິດເຊື້ອທີ່ໄດ້ຮັບການປິ່ນປົວດີແລ້ວລວມມີຢ່າງຫນ້ອຍ 11.619 ຄົນ

//graizoah.com/afu.php?zoneid=2280983