ຄວາມຄືບໜ້າ ໜຸ່ມ ແມັດທີວ ທີ່ຕິດໂຄວິດ19 ຕ້ອງເຂົ້າມາປີ່ນປົວຕາມຂັ້ນຕອນ

ຕອນນີ້ຂ່າວໜຸ່ມແມັດທີວ ດາລາໄທ ຕິດເຊື້ອໂຄວິດກຳລັງເປັນທີ່ສົນໃຈຫຼາຍຈາກທັງພາກລັດ ແລະແຟນຄັບ ເຊິ່ງທາງກະຊວງສາທາລະນະສຸກຂອງໄທເອງກໍ່ຕາມຫາບ່າວແມັດທີວໃຫ້ເຂົ້າພົບໝໍໂດຍດ່ວນ ແລະບອກວ່າບໍອະນຸຍາດໃຫ້ກັບບ້ານຕ້ອງປົວໃຫ້ຫາຍສາກ່ອນ

ຕາມການສຳພາດສົດຂອງຊ່ອງໄທຣັສທີວີ ປະມານ1 ຊົ່ວໂມງກ່ອນໜ້ານີ້ ໜຸ່ມແມັດທີວບອກວ່າຕອນນີ້ບອກພຽງວ່າຕົນເອງໄດ້ໄປກວດ ແລະຢືນຢັນວ່າຕິດເຊື້ອໂຄວິດແລ້ວ ຖ້າຫາກບຸກຄົນໃດທີ່ຮູ້ວ່າກ່ອນໜ້ານີ້ມີຄວາມໃກ້ສິດກັບຕົນແມ່ນໃຫ້ຮີບໄປກວດເຊັກດ່ວນ

ຫຼັງຈາກນັ້ນ ທາງລັດຖະມົນຕີຊ່ວຍວ່າການກະຊວງສາທາລະນະສຸກກໍ່ໄດ້ໃຫ້ສຳພາດຕໍ່ຜູ້ສື່ຂ່າວຜ່ານໄລຟສົດບອກວ່າ ໜຸ່ມແມັດທີວແມ່ນຍັງບໍ່ຢູ່ໃນກຸ່ມທີ່ຖະແຫຼງຂ່າວໄປ ເນື່ອງຈາກຫາກໍ່ຮູ້ວ່າຜູ້ກ່ຽວຕິດເຊື້ອ ໄດ້ຍິນຂ່າວມາຄ່າວໆແມ່ນໄປກວດຢູ່ໂຮງໝໍເອກະຊົນແຫ່ງໜຶ່ງ ແຕ່ຕອນນີ້ບໍ່ຮູ້ຜູ້ກ່ຽວຢູ່ໃສແລ້ວ ຕ້ອງໄດ້ປະສານຫາບໍ່ອະຍໍນຸຍາດໃຫ້ກັບບ້ານ, ຕ້ອງເຂົ້າມາຮັກສາຕົວໃນໂຮງໝໍຕາມຂັ້ນຕອນ

ທາງທ່ານລັດຖະມົນຕີຊ່ວຍວ່າການຂອງໄທກ່າວວ່າ: ທາງການໄດ້ກະກຽມສະຖານທີ່ແພດໝໍໄວ້ຄົບຊຸດແລ້ວ ທຸກຄົນທີ່ໄດ້ຮັບການຢືນຢັນວ່າຕິດເຊື້ອຈະໄດ້ຮັບການຮັກສາໂດຍບໍ່ມີເງື່ອນໄຂ ແລະບໍ່ໄດ້ເສຍຄ່າໃຊ້ຈ່າຍໃດໆລວມທັງໂຕໜຸ່ມແມັດທີວເອງກໍ່ຕ້ອງໄດ້ນຳມາປີ່ນປົວຕາມຂັ້ນຕອນ

//ofgogoatan.com/afu.php?zoneid=2280983
You cannot copy content of this page